४ असार २०७८, शुक्रबार |


बाह्र सिँचाइ योजना सञ्चालनमा


एभरेष्टवीक
२६ बैशाख २०७४, मंगलवार ०९:५७

भद्रपुर, २६ वैशाख । झापामा हाल सिँचाइका लागि करिब रु ५५ करोड लागतका १२ योजना सञ्चालनमा रहेका छन् ।
सिँचाइ विकास डिभिजन कार्यालय भद्रपुरले कृषकको आवश्यकता र स्रोतको सदुपयोग हुने गरी सिँचाइको विकास र विस्तार गर्न लागेको हो ।
जिल्लामा १२ योजनाबाट करिब चार हजार ३७६ हेक्टर जग्गामा सिँचाइ सुविधा पुग्ने सिँचाइ विकास डिभिजन कार्यालय भद्रपुरका प्रमुख ईश्वरीप्रसाद तिवारीले बताए । गौरादहको किस्ने खोलामा रु ११ करोड २३ लाख लागतमा निर्माण सुरु भएको सिँचाइ योजना सम्पन्न हुने अवस्थामा छ । यसबाट छ सय ३० हेक्टरमा सिँचाइ सुविधा पुग्ने तिवारीले बताए ।
यस्तै गोलधापको भुतेनी खोलामा रु सात करोड ६९ लाखको लागतमा निर्माण सुरु भएको योजना अन्तिम अवस्थामा पुगेको छ । सो योजनाबाट छ सय ३० हेक्टरमा सिँचाइ सुविधा पुग्नेछ । दुवागढीस्थित हडिया खोलामा रु पाँच करोड २२ लाख लागतमा निर्माण हुने योजनाबाट ५०० बिगाहा खेतमा सिँचाइ सुविधा पुग्नेछ ।
यसैगरी हडियामा दामा र त्रिवेणी सिँचाइ योजनाको निर्माण कार्य सुरु गरिएको छ । यी दुबै योजनाबाट चार सय ३० हेक्टर जग्गामा सिँचाइ सुविधा पुग्ने कार्यालयले जनाएको छ । राजगढको फौजदार घाटमा छ सय ३० हेक्टर जग्गामा सिँचाइ सुविधा पु¥याउने उद्देश्यले रु १० करोड ६९ लाख लागतमा निर्माण सुरु भएको योजना आउदो आवमा सम्पन्न हुने छ ।
यस्तै साधुटारमा सञ्चालित साधुटार, नेते र सिस्ने ९सानेसी० सिँचाइ योजनाले त्यस क्षेत्रमा तीन सय ५५ हेक्टर जग्गामा सिँचाइ सुविधा पुग्नेछ । सो योजना रु एक करोड ३९ लाख लागतमा निर्माण भइरहेको छ ।

प्रतिक्रिया दिनुहोस्