३ बैशाख २०७८, शुक्रबार |


‘निर्वाचन आयोगको स्वतन्त्रतामाथि हस्तक्षेप’


एभरेष्टवीक
१ असार २०७४, बिहीबार १४:४५

काठमाडौँ, १ असार । राष्ट्रिय प्रजातन्त्र पार्टीले सरकारले प्रदेश नं २ को स्थानीय तह चुनाव आगामी असोज २ गते तोक्ने भनी गरेको निर्णयले निर्वाचन आयोगको स्वतन्त्रतामाथि हस्तक्षेप भएको आरोप लगाएको छ ।

पार्टीले सरकारले गरेको सो निर्णय ‘अपरिपक्व र अदूरदर्शी रहेकाले राष्ट्रिय तथा अन्तर्राष्ट्रिय तहमा नकारात्मक सन्देश जाने’ जनाउँदै त्यो निर्णयमा पुनःविचार गरी पूर्वनिर्धारित मिति असार १४ मा निर्वाचन गराउन आग्रह गरेको छ ।

सरकारले मुलुकमा दूरगामी असर पार्ने निर्णय गर्नुपूर्व सबै दलबीच परामर्श तथा छलफल गरी साझा समझदारी कायम गर्नुपर्ने पार्टीका प्रवक्ता भुवन पाठकले बताउनुभयो । उहाँका अनुसार निर्वाचन हुन बाँकी प्रदेशमा शुक्रबार हुने उम्मेदवार मनोनयनमा राप्रपाले सहभागिता जनाउनेछ । सत्तारुढ दल तथा राष्ट्रिय जनता पार्टीबीच आज भएको छलफलपछि प्रदेश नं २ को चुनाव तेस्रो चरणमा गर्ने निर्णय गरिएको छ । रासस

प्रतिक्रिया दिनुहोस्