४ जेष्ठ २०७८, मंगलवार |


लालझाँडी गापा–६ मा माओवादी केन्द्र


एभरेष्टवीक
१६ असार २०७४, शुक्रबार ०५:०३

कञ्चनपुर, १६ असार । स्थानीय तह दोस्रो चरणको निर्वाचनमा कञ्चनपुरमा नेकपा (माओवादी) केन्द्रले विजयी सुरुवात गरेको छ ।

जिल्लाका नौ स्थानीय तहका ९२ वडामध्ये सबैभन्दा पहिले नेकपा (माओवादी केन्द्र)ले लालझाँडी गाउँपालिका–६ मा विजयी सुरुवात गरेको हो । नेकपा (माओवादी केन्द्र)का तर्फबाट लालझाँडी गाउँपालिका–६ का अध्यक्ष फुलाराम चौधरीसहित पूरै सदस्य प्यानल विजयी भएको छ ।

लालझाँडी गाउँपालिका मतदान अधिकृत हरिकृष्ण अवस्थीले माओवादी केन्द्रको प्यानल विजयी भएको बताउनुभयो । उहाँका अनुसार माओवादी केन्द्रका वडाध्यक्ष चौधरीले सबैभन्दा बढी ३४१ मत ल्याई वियजी भएका छन् ।

उहाँका निकटतम प्रतिस्पर्धी नेकपा (एमाले)का जितराम चौधरीले ३१९ मत ल्याएका थिए ।

यसैगरी, कञ्चनपुरको बेलौरी नगरपालिका–१ मा पूरै प्यानलसहित नेकपा (माओवादी) केन्द्रका वडाध्यक्षका उम्मेदवार रतनबहादुर शाही विजयी हुनुभएको छ । वडा नं १ को एक हजार ४४१ मत गणना हुँदा शाहीले ४८३ मत ल्याई विजयी हुनुभएको छ ।

प्रतिक्रिया दिनुहोस्